لفت الممثل المصري محمد ممدوح الأنظار، بظهوره مؤخراً بنظارة شمسية ورفضه نزعها طوال الحلقة.
وأكد محمد ممدوح أنه لم يتعرض لأي إصابة عمل، بل إنه يعاني من حساسية في عينيه، وقال: "أنا أسف إني لابس النضارة أنا عندي حساسية في عينيا والإضاءة تعباني، وعيني وارمة وشكلها مش حلو ووجعاني أوي".
وعن الإنتقادات التي تطاله بسبب مخارج الحروف، قال محمد مموح خلال لقائه ببرنامج "أسرار النجوم" مع الإعلامية إنجي علي: "لأ عندهم حق أنا عندي مشكلة، أنا الحمد لله اتحسن الموضوع، واشتغلت مع الدكتورة جيهان الناصر وبعد ربنا ليها فضل كبير في اللي حصل معايا تعبت معايا جدا، أنا عارف أن في مشكلة ومكنتش بتضايق، تمام في ناس بتقول بطريقة كويسة أو نقد بناء وفي اللي بيتريق، بس أنا مسئول طالما اخترت المهنة لازم اشتغل بقدر الإمكان محدش ينزعج مني. في نقد بيضحكني جدا وعندهم حق، مثلا المكياج بتاع مسلسل "اختفاء" وأنا كبير في السن، في مشاهد كان بايظ ومشاهد كويسة، في مشاهد وأهو بايظ واحد كتب "شكلة زي الفرخة لما تطلع من الفريزر" ودا حقيقي وشي كان مجمد ومكنتش بضايق".
